Emîne Şenyaşara ke mêrde û 2 lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 109 rojî yo nobeta edaletî kena.

Keyeyî  hewte de panc rojan de verê Edlîyeya Riha de nobete girewtêne. Labelê keye 2 rojî yo seba paştdayîşê huqûqî Îstanbul de zîyaretan keno.

Keye ewro do Komeleya Pirdê Şaran û Baroyê Îstanbulî zîyaret bikero û paştdayîş biwazo. Keyeyî hesabê xo yê twitterî de vat: ''Heq! Huqûq! Edalet! wazenê...''