Çalakîya Nobete ya vera destsernayîşê Şaredarîya Colemêrgî Îstanbul de vizêr roja 68ine de dewam kerd. 

Çalakîye de sloganê sey "Bijî berxwedana Colemêrgê", "Em ê bi berxwedanê bi ser bikevin", "Qeyûm biçe, em ê bimînin", "Jin, jiyan, azadî" ameyî vatene.

Maya Haştîye Sabîha Bozan pare kerd ke ê do hertim wayîrê îradeyê xo vejîyê.

Îdarekarê DEM Partî yê Sultanbeylî Habîp Sokucuyî zî hêrişê vera Başûrê Kurdîstanî şermezar kerd û ard ziwan ke kurdî do qetî sereyê xo nêarê war.

Hemserekê DEM Partî yê Arnavutkoyî Yavuz Kahramanî zî bale ante hêrişê vera rojnamegeran ser û vat: ''Ez venga îqtîdar û kesanê wayîrwijdanan dana ke bêrê ma seba demokrasî û azadîye pîya têkoşîn bikerê.''