Çalakîya Nobeta vera destsernayîşê Şaredarîya Colemêrgî ya Îstanbulî vizêr roja 74ine de dewam kerd.

Çalakîye de pankartê sey ''Colemêrg ê ma yo'' ameyî akerdene û sloganê sey ''Bijî berxwedana Colemêrgê'' ameyî vatene.

Polîsan tirkan waşt ke girseyo ke bi Rojnameyê Xwebûne kewtbi warî asteng bikerê. Wekîla DEM Partî Ceylane Akça vera astengîye nêrazîbîyayîşê xo mojna û vat ke Xwebûn rojnameyêko legal o.

Girse derbazê warî bi û govende girewte.

Hemserekê DEM Partî yê Sancaktepe Çetîn Yildizî çalakîye de qisey kerd û vat: ''Sîstemê qeyûman dişmenê ekolojî û cinîyan o. Ma nê sîstemî nêşinasnenê. Ma sey DEM Partî pawitoxê demokrasîyî yê.''

Endamê DBPyî Mehmet Reşît Înceyî zî vera destsernayîşê îradeyê kurdan nêrazîbîyayîşê xo mojna û vat: ''Ma 15 hezar serrî yo nê erdî de yê. Ma neteweya kurdan ê. Îradeyê Colemêrgî teslîmê şarî bikerê.''