Nobeta Wanî verê berê bînaya HDP'yî ya Rayîrê Hevrîşmî de ameye viraştene. Parlamenterê HDP'yî, hemşaredarî, Mayê Haştîye, aktîvîstê TJA'yî û xeylî hemwelatijî tewrê nobete bîyî.

Parlamentera HDP'yî Nûran Îmîre çalakîya nobete de qisey kerd û vat ke "Ma do qet verba na derbe, zur û hîleyan milê xo çewt nêkerê. Ewro zî bloka AKP û MHP'yî ser şarê Kurdî û têkoşînê demokrasîyî de operasyonanê qirkerdişî yê sîyasî virazena. Ê her menge sindoqan kuçeyanê Wanî de abikê, şarê Wanî do ancî îradeyê xo bimojno û qerarê xo bido. Wan pêro çî ser nameyê huqûq û heqî keno ra. No têkoşînê ma seba destsernayîşê nê ercayan o. Çendek zor û zehmet estbê zî ma do şarê xo reyde bibê." Îmîre bale ante serê sîstemê hemserektîye û vat ke: "Her kuçe û keye de ma do sîstemê hemserekîye saz bikê û ma do her ca bikê dibistana demokrasîyî û ma do şarê xo reyde bibê." Çalakîya nobete bi deyîr û sloganan qedîyaye.