Nobetê Edaletî yê ke semedê azadîya Rayberê Şarê Kurdî Abdullah Ocalanî û çareserîya demokratîke ya meseleya kurdan dîyayî destpêkerdene, xeylêk bajaran de dewam kenê. Çalakîyan rê her roje paştdayîş zêdîyeno.

Amed der serkêşîya TUAY-DERî de banê DEM Partî yê Rêzanî de Nobeta Edaletî dewam kena. Erwo reyna zîyaretê paştdayîşî ameyî kerdene. Çalakwanan tecrîd sey sûcê merdimîye name kerd û vat ê do têkoşînê xo bidomnê.

Çalakîya Mêrdînî de Dayîka Haştîye Latife Akyuz ard ziwan ke ê semedê semedê Abdullah Ocalanî û xoverdayoxanê zîndanan çalakîye de yê û waşt wa tecrîd bêro wedaritene û Abdullah Ocalan bibo azad.

Mersin de zî Nobeta Edaletî de mesajê xoverdayoxanê zîndanan ame wendene. Xoverdayoxan vat, ''Eke waştişê ma ro ca, ma do têkoşînî xurtêr biker. Têkoşînê ma do tecrîdî bişikno.''

Reyna Îstanbul, Adana û Îzmîr de zî çalakîyan de mesajê xurkterdişê têkoşînî ameyî dayene û azadîya Abdullah Ocalan û xoverdayoxanê sîyasîyan ameye waştene.