Namzetê Bedlîsî yê Partîya Çep a Keske Huseyîn Olanî derheqê xebatanê weçînayîşî de ANFyî rê tay ercnayîşî kerdî.

Olanî îfade kerd ke 20 serrî yo welat mîyanê krîzan de yo û ganî bêro vurnayene. Olanî vat: ''Ma do şorê Meclîsî û dima meseleya kurdan çareser bikera. Heta ke na mesele çareser nêba cînayetê cinîyan do nêqedê, ekonomî do biba xirabêr û demokrasî do nêra. Ma do haştîye, edalet û demokrasî înşa bikerê. Ma do bingeyê heqanê têdûştan de newe ra Komare înşa bikerê. Ma bikerê ke îdareyê welatî bibê îdareyê herêmî. Partîya Çep a Keske Meclîs de do biba adresê çareserîye. Ma do dezgehê hukmî bikerê xoser. Zaf karî est ê ke ganî ma bikerê. Ma do seba ney qetî mesuldarîyan û erkanê xo bîyarê ca. Ma do cuya newîye pîya awan bikerê. Wa şarê Tirkîya dormeyê partîya ma de bêrê têhet.''

Olano ke 2014 de bibi Hemşaredarê Bedlîsî, herinda ci de qeyûm ame tayînkerdene û tepişîyabi. Olan 7,5 serran zîndan de mendbi û temmuza verêne de vera dîyabi.