Partîya Çep a Keske Kurdîstan de keye bi keye, kuçe bi kuçeyî, dewe bi dewe kombîyayîşan serûber kena. Wekîlê Partîya Çep a Keske yê Bedlîsî Huseyîn Olanî derheqê xebat û kombîyayîşan de ANFyî rê qisey kerd.

Olanî dîyar kerd ke weçînayîşanê peyênan de netîceyî seba înan serkewte nêbîyê û vat: ''Ganî ma vera na tabloyî têbigêrayêne. Coka ma rê lazim bi ke tedbîran bigêrê. Kombîyayîşê ke nika ma herême de kenê, nînan seba ke ma rewşa nikayênî şarî de pare bikerê û seba ke heqê xeletî û kêmasîyan ra bêrê mekanîzmaya rexnekerdiş û rexnedayîşî visnenê dewre.''

Olanî ard ziwan ke şar bi hawayêkê samîmî û fedakarî wayîrê partîye vejîyeno û vat: ''Şar zaneno ke partî partîya înan a. Coka şar wayîrvejîyayîş de tim gamêke aver erzeno. Netîceyê weçînayîşî bîyî sebeb ke ma abigêrê cewher, kok û erjanê xo ser. Coka ma kuçe bi kuçe xebitîyenê. Şar zî wazeno ke wa partîye wayîra înan vejîya, îdarekarê partîye girîngîye bidê şarî ser, bi taybetî weçînayîşan de fikrê şarî bigêrê û goş bidê pêşnîyazanê şarî ser.

Eke xebatê ke nika yenê kerdene bi hawayêkê raştî pratîze bibê, o çax ez bawer kena ke ma do weçînayîşanê herêmîyan rê tesîr bikerê. Teyna ganî ma bi hawayêkê samîmî nêzdî bibê, girîngîye bidê waştiş û pêşnîyazanê şarî ser.''