Serekwekîlê Koma HDPyî Saruhan Oluçî Meclîs de derheqê babetanê rojdemî de kombîyayîşê çapemenîye kerd.

Oluçî bale ante krîzê ekonomîkî û feqîrîye ser û vat: ''Krîzê ekonomîkî û feqîrîye ra merdimî xo kişenê. Ekonomî ra semed welat ver bi felaketî şino.

Oluçî vera serebûtê wekîlê HDPyî yê Wanî Murat Sarisaç nêrazîbîyayîşê xo mojna ke polîsan wesayîtê Sarisaçî teqîb kerd û verê ci girewt. Oluçî vat: ''Îqtîdarî dest pê metodê torosê sipîyî kerd. Îqtîdar vurîya îqtîdarê serranê 1990î.''

Oluçî vera xeberanê zûrayînan ê Ajansê Anadoluyî zî nêrazîbîyayîşê xo mojna û vat: ''No ajans endamê partîya ma Yunus Durdu sey terorîst pênase keno. Wazeno wekîlê ma binê tometî de verdo.''

Oluçî derheqê weçînayîşê verwextî de vat: '' Mumkîn nîyo ke merdim tarîxê weçînayîşê verwextî vajo. La rew yan zî erey no îqtîdar nêeşkeno heta serra 2023î hukm bikero. Coka îhtîmalê weçînayîşê verwextî esto.''