Abdulmenaf Osmano 58 serre 30 serran û 6 mengan ra dima Zîndanê Manîsa ra vera dîya. Osman 1993 de Êlih de tepişîyabi û îdîaya 'xerakerdişê yewîya dewlete' ra cezaya muebede dîyabî ci. Osman seba ke şaristanê Hesekê yê Rojawanê Kurdîstanî ra yo leşkeran o berd Merkezê Apeyerşawitişî yê Manîsa. Osman pereyî ra nata qereqolê cendirmeyan ê Akhîsarî de yo û do bêro berdene b, Fermandarîya Manîsa.

Avûkatê ey Halîl Coşkunî qereqol de Osmanî reyde pêvînayîş kerd. Coşkunî pare kerd ke Osman nika bi hawayêkê fîîlî destbendkerde yo û vat: ''Goreyê qanûnê 6458î yê Pawitişê Xerîban o lîsteya teberkerdişê sînorî de nîyo. La reyna zî Mudirîya Koçberîye ya Manîsa do ey sînorî ra teber bikera.''

Coşkunî îfade kerd ke muwekîlê ey  bi hawayêkê fîlî destbendkerde yo û vat: ''No kerdişêko îlegal o. Ma wazenê ke qanûnê 6458î bêro esaskerdene. Seba ke muwekîlê mi şoro welatêkê hîrêyînî ganî muhletêk bêro dayene ci. Ganî pasaport û nasnameyê ey bêrê vetene û o bi rizaya xo şoro. Eke o teslîmê rejîmê Sûrîye bêro kerdene asayîşê ci do nêmano.''