Bajaranê Paris û Marsilya yê Fransade ciwanê kurdan  semedê azadîya fîzîkîye ya Rayberê Şarê Kurdî Abdullah Ocalanî vejîyayî waran.

Paris de ciwanî banliyoyê Villiers le Belî ra heta vera komeleya kurdan bi flamayanê ke serê ci de fotografê Abdullah Ocalanî est ê û slogananê sey “Bê Serok jiyan nabe”  û  “Bijî berxwedana gerîla” rayra şiyî. Ciwanan dima eşkerayîye daye û nê vatî: ''Roje roja azadkerdişê Rayberîya ma ya. Ganî ma pêro vejîyê kuçeyan. Heta azadîya Rayber Apoyî ma do kuçeyan cameverdê. Ma veng dana ke wa çarçeweya hemleya Cenga Azadiyê Serbixinî de her kes vejîyo waran.''

Marsilya de ciwanî bi flamayanê ke serê ci de fotografê Abdullah Ocalanî est ê û slogananê kurdkî û fransizkî kuçeyanê bajarî  de rayra şiyî. Ciwanan çalakîya xo bi eşkerayîyêke qedînaye. Ciwanan wina vat: ''Wa bero zanayene ke têkoşînê azadîye yê kurdan şima nêeşkenê bi komplo û tecrîdî vindarnê. CPT ganî cade eşkerayîye bido, tecrîd û îzolasyon ganî cade bêrê wedaritene, avûkatî pîya bi heyetêkî cade şirê Îmrali. Ciwanê kurdan semedê azadîya fîzîkîye ya Abdullah Ocalanî wa çarçweya hemleya  Cenga Azadiyê Serbixinî de cade vejîyê waran.''