Parlamentoya Swêdî de Tirkîya û PKKyî ser o nîqaşî

Waştişê Parlamentera Xosere ya Swêdî Amînehe Kakabaveh sr o polîtîkaya hêrişker û cîyakere ya Erdoganî parlamento de ameyî nîqaşkerdene. Wextê nîqaşî de Wezîra Karanê Teberî ya Swêdî Ann Linde û Kakabaveh PKK ser o nîqaş kerd.

Waştişê Parlamentera Xosere ya Swêdî Amînehe Kakabaveh sr o polîtîkaya hêrişker û cîyakere ya Erdoganî parlamento de ameyî nîqaşkerdene. Wextê nîqaşî de Wezîra Karanê Teberî ya Swêdî Ann Linde û Kakabaveh PKK ser o nîqaş kerd.

Wextê nîqaşî de Kakabavehe Ann Linde rê vat ke heta ke PKK lîsteya terorî de bina Erdogan û Tirkîya do tim kurdan hedef bikerê. Kakabaheve îfade kerd ke ganî Swêd PKK lîsteya terorî ra vejo.

Persê Kakabavehe ser o Linde da zanayene ke PKK 2002 ra nata lîsteya terorî de ya û Swêd na banete do nêbero rojdemê Yewîya Ewropa.

Kakabavehe vist vîrî ke Tirkîya hêrişê Rojawanî kerd û bi bahaneya PKKyî Başûrê Kurdîstanî dana bombayan verî. Kakabavehe bale ante xeberêke ser ke vana Tirkîya 4 hezar leşkerê bipereyî erşawitê Azerbaycanî û Erdogan Dengizê Sipî de vera Yunanîstanî alozîyan virazeno.

Linde cewabê nê persî de vat ke ê bi hawayêkê cidîyî ewnîyenê binpaykerdişanê heqanê merdiman ê Tirkîya û tepiştişê muxalîfan qet qebul nêkenê. Linde eşkera kerd ke hêrişê vera HDPyî zêdîyayî û înan na babete Anqara reyde ercnaye. Linde pê hesna ke ê do reşwa Tirkîya nêzdî ra teqîb bikerê û babete berê Yewîya Ewropa, Konseya Ewropa.

Linde derheqê hêrişanê Tirkîya yê vera Iraq û Sûrîye de vat: ''Têkilîya Tirkîya bi kurdan vera bena xirabêr. Na rewşe qerqilnena. Yewîya Ewropa û hukmatê ma nê hêrişî şermezar kerdî. Hêrişê Tirkîya dûştê huqûqê mîyanneteweyî yê.''

Linde ard ziwan ke hêrişê Tirkîya fayde danê DAÎŞ û pare kerd ke Swêd do hetê asûrî, sûryanî û êzidîyan de bibo.