Partîya Çep a Keske qezaya Peyasî ya Amedî de şayîyêke viraşte. Namzedê wekîlîye Sorgul Aytek, Mehmet Emîn Aktar, Samet Menguç, Azad Bariş, Mehmet Kamaç û Hemvervatoxê Partîya Çep a Keske yê Amedî Pinar Sakik Tekîn û Abbas Şahîn, aktîvîstê TJA û îdareyê HDP û DBPyî zî tewrê şayîye bîyî.

Şarî û namzedan şayîye de pîya govende girewte û sloganê sey ''Jin, Jiyan, Azadî'' û ''Ma do pîya bi xoverdayîşî ser bikewê'' vatî. 

Namzedan Samet Menguç û Pinare Sakik Tekîn şayîye de qisey kerd û ard ziwan ke ê do bi sloganê 'Jin, Jiyan, Azadî' ser bikewê û 14ê gulane de verê Komara Demokratîke abikerê. Namzedan venga şarî da ke weçînayîşan de rayêke bido Partîya Çep a Keske, raya bîne bido Kemal Kiliçdarogluyî û wayîrê sindoqan vejîyo.

Şayîye pê tîlîlî û govendan qedîyaye.