14ê gulane de Tirkîya û Vakurê Kurdîstanî de weçînitiş est o.Teberê welatî de 27ê nîsane ra nata rayî yenê şuxulnayene. 73 welatan û 52 herêmanê weçînitişî de sindoqê ke ameyî ronayene, înan de do 3 mîlyon û nêm kesî rayan bişuxulnê. Almanya, Fransa, Danimarka, Hollanda û Luksemburg de raydayîş roja 9ine de dewam keno. Swîsre, Amerîka, Avusturya, Belçika, Îngîlîstan,Norveç, Yunanistan û Kanada de zî raydayîşo ke 29ê nîsane de dest pêkerd roja 7ine de dewam keno. Çekya, Israil, Îtalya, Polanya û Romanya de zî roja 2ine de dewam keno.

Goreyê doneyanê Heyetê Weçînitişî yê Berzî (YSK) sindoqanê teberê welatî  û gumrukan de 1 mîlyon û 138 hezar û 743 weçînayoxan ray şuxulnaye. Temsîlkarîyanê teberî welatî de do heta 9ê gulane û gumrukan e heta 14ê gulane raydayîş dewam bikero.  

Koordînasyonê Weçînitişî yê  Partîya Çep a Keske yê Swîsre veng da weçînayoxan û vat: “Ma ye prosesî ra ravîyerenê ke berpirsîyarîya her kesî zaf gird û tarîxî ya. Ma wextanê tewr zehmetan de  xover da û çok nêda, bin nêkewtî. Înanê ke hêriş û bêehleqîya tewr pîle kerde, verê ma de çok da. Tay mendo peynîya înan bêro. Nê çeteyê ke wazenê ma çîn bikerê, wextê ci yo ke ma înan ra hesab bipersê. Ma veng da ke wa her kes şiro sindoqan ser û semedê rijnayîşê dîktatorî raya xo bişuxulno.”

Kurdîstanijanê ke rayê xo şuxulnayî înan zî veng da ke wa her kes raya xo bişuxulno ke şar nê îqtîdarî ra bixelîsîyo.