Partîya Çep a Keske seba mîtîngê Çewlîgî veng da
Partîya Çep a Keske seba beşdarîya bi mîtîngê Çewlîgî veng da. Mîtîng do kuçeyê Gençî de 25ê nîsane de, saete 11.00 de bi beşdarîya namzetanê wekîlîye dest pêbikero.
Partîya Çep a Keske hesabanê xo yê medyaya dîjîtale de seba beşdarîya bi mîtîngê Çewlîgî veng da. Mîtîng do 25ê nîsane (roja sêmeyî) de, kuçeyê Gençî, çatrayîrê PTTyî de saete 11.00 de dest pêbikero.
Namzetê Çewlîgî yê Partîya Çep a Keske Cemîle Turhalli Balsak, Omer Faruk Hulaku û Faruk Aris, Wekîlê HDPyî yê Çewlîgî Erdal Aydemîr, Hemsereka Pêroyî ya DBPyî Salîha Aydenîz û Serekê Partîya Azadîye Ayetullah Aştî do beşdarê mîtîngî bibê.
Mîtîng de Koma Rîtmên Azad zî do vejîya sehne ser.
https://twitter.com/yesilsolbingol/status/1649115847904854035/photo/1
