Partîya Çep a keske Êlih, mersîn û Amed de şarî reyde ameye têhet û sozê serkewtişî da şarî.

Êlih

Çarçewa xebatanê weçînayîşî de Partîya Çep a Keske bi beşdarîya Hemserekê KCDyî Berdan Ozturk, hemvervatoxê partîya çep a keske îbrahîm akin, hemsereka DBPyî salîha aydenîz û Serekê têgêrayîşê Kedkaran Hakan Ozturkî qezaya Qubînî de şar zîyaret kerd û buroyê weçînayîşî akerd. Hemsereka DBPyî Aydenîze û Îbrahîm Akinî tîya de qisey kerd. Înan bale ante tecrîdê Îmraliyî ser. Akinî û Aydenîze pare kerd ke ê do êlih de 5 de 5 bikerê û ser bikewê.

Amed

Çarçewa xebatanê weçînayîşî de Partîya Çep a Keske bi beşdarîya Hemserekê KCDyî Berdan Ozturk, hemvervatoxê partîya çep a keske îbrahîm akin, hemsereka DBPyî salîha aydenîz û Serekê Têgêrayîşê Kedkaran Hakan Ozturkî û namzetan qezaya Peyasî de şarî reyde ameye têhet û buroyê weçînayîşî akerd. Hemserekê EHPyî Hakan Ozturkî, Berdan Ozturkî û Îbrahîm Akinî kombîyayîşê şarî de qisey kerd. Înan ard ziwan ke Partîya Çep a Keske do bi têkoşînê xo tecrîdê Îmraliyî bişikna. Qiseykerdoxan îfade kerd ke 14ê gulane ra dima prosesêko newe do dest pêbikero.

Mersîn

Hemsereka Pêroyî ya HDPyî Pervîne Buldan û Hemsereka SKYPyî Canan Yuce bi beşdarîya girseyan taxa Mevlana ya Torosan de buroyê weçînayîşî akerd. Buldane tîya de qisey kerd û vat: ''Ma do sindoqan de dek û dolabanê AKP-MHPyî pûç bikerê. Ma soz danê ke AKP bikerê partîyêka tabela.'' Akerdişê buroyî ra dima bernameyê Buldane yê Adana û Mersînî qedîya.