Partîya Çep a Keske û HDPyî bi wesîleya 1ê Êlule Roja Haştîye ya Dinya  vizêr eşkerayîye daye û semedê tewrbîyayîşê mîtîngî veng da.

Eşkerayîye de Dayîkê Haştîye Adalete Safali û Perişan Akçelîk ê ke qezaya tirafîkî yê Geverî de şehîd bîyî, ameyî yadkerdene û nê ameyî vatene:

''Ma 8 serrî yo binê zextê giranî de yê. Komel yeno fatisyayene, binê tecrîdî de yeno tepişten  û waştişê ci yê haştîye nîno goştarîkerdene. Her roje şar raştê hêriş û şîdetî yeno û xoza yena qetilkerdene. Tepişteyê nêweşî rixmê raporanê xo tehlîye nêbenê.  Komel raştê tecrîdê tewr giranî yeno. No şer û nê hêrişê faşîstî têna bi sîyasetê demokratîkî eşkenê bêrê vindarnayene.

Ma do bi wesîleya 1ê Êlule Roja Haştîye ya Dinya vera heme zextan û hêrişan Meydanê Îstasyonî yê Amedî de bêro têhet. Ma veng danê şarê xo ke wa 1ê êlule de verê xo bidê meydanê mîtîngî.''