Dewaya Kobanê ke 108 sîyasetmerdarî yenê muhakemekerdene do 26ê nîsane de bêro kerdene.  Enternasyonalîstanê Averperweran (Progressive International) semedê paştdayîşê HDPyî yew  vilaweke weşenaye.

Goreyê xebera rojnameyê Duvarî Enternasyonalîstanê Averperweran qerar girewt ke ê do semedê Dewaya Kobanê heyetêkî bişawê.

Vilaweka bi sernameye ''Tirkîya de demokrasî yeno muhakemekerdene, semedê pawitişê ey ma benê seferber'' de ame vatene ke HDP têna nîyo. Reyna semedê wayîrvejîyayîşê HDPyî veng diya hêzanê averperweran û ame vatene ke dekorasî yeno muhakemekerdene û pawitişê ci wezîfeyê ma yo tarîxî yo.

Endamê Razemî  yê Parlamentoyê Polonya ra Maciej Konieczny, Şêwirmenda  Huqûqî yê Partîya Mera25 a Yunanistanî Eva Ampazi û Koordînatorê Pêroyî yê Enternasyonalîstanê Averperweran Davîd Adler heyet de ca genê.