Hemsereka Pêroyî ya HDPyî Pervîna Buldan bi parlementeran Ebru Gunay, Ayşe Surucu, Omer Ocalan, Nuserettin Maçin û Nîmettulah Erdogmuşî Riha de şaro ke binê tesîrê laseran de mend, zîyaret kerd.

Buldane semedê kesanê ke laseran de dinyaya xo bedilnaye dejê ard ziwan, serweşîye waşte û vat: ''Ma do vîjnayîşanê 14ê gulane de nê zîhnîyetî ra hesab bipersê.''

Heyetê HDPyî dima ra Emîne Şenyaşar  û Ferît Şenyaşarê ke 725 rojî yo Nobeta Edaletî rayra benê, zîyaret kerdî.

Pervîne Buldan bale ante nobeta Şenyaşaran ser û vat:  ''Heta caardişê edaletî ma do tim paştî bidê keyeyê Şenyaşaran. Dayîka ma dejê girdî antî. Gerek qetilkarî bêrê muhakemekerdene û cazaya xo biancê. Ma zanê ke no îqtîdar do edaletî mîyaro ca. La maya ver vîjnayîş est o. Ma eşkenê îqtîdarê neweyî bivîjnê ke eşeno nê meseleyan çareser bikero.''

Dayîke Emîne Şenyaşar zî vat lajê aye 5 serrî yo bîlasebeb hucreyê yewkesî yê zîndanî de yeno tepiştene û edalet waşt.