Avûkatanê Rayberê Şarê Kurdî Abdullah Ocalanî yê ke Îmrali de 22’ê Gulane de pêvînayîş kerdibi derheqê pêvînayîşî de kombîyayîşê çapemenîye viraşt. Avûkatê Buroyê Huqûqî yê Çaxî Newroz Ûysale, Rezan Sarica, Îbrahîm Bîlmez û Razîye Tûrgûte Titanic Downtown Beyoglû Hotele de vejîyayî hemverê kamerayan û derheqê grevanê vêşanîye û rojeyê mergî de peyamê Ocalanî eşkera kerd.

Peyamê Rayberê Şarê Kurdî Abdullah Ocalanî wina yo:

“Embazê ercayeyî,

Sere de embazê ke kewtê grevê vêşanîye û rojeyê mergî, bi îzahatanê bi detayan ê ke do hetê di avûkatanê mi ra bêrê kerdene, ez pawena ke çalakîya şima biqedîyo. Ez wazena bi asanî bîyarî ziwan ke meqsedê şima resayo hedefê xo, ez şima heminan rê heskerdiş û sipasîyanê xo zerrî ra pêşkêş kena.

Rasta ci, ez wazena û umîd kena ke şima tîya ra tepîya zî bi kesifi û îradeyêkê xurtî mi dir rayra şirê.

Bi heskerdiş û silamanê xo yê bêpeynîyan

22’ê Gulane 2019, Zîndanê Îmraliyî

Abdullah OCALAN!"