Wekîlê HDPyî Musa Pîrogluyî derheqê qetilkerdişê Denîze Poyraz de qisey kerd.

Musa Pîrogluyî bale ante ser ke prosesê verê nê hêrişî de MHPyî tim HDPyî rê gef werdêne, Erdoganî Bidenî reyde pêvînayîş kerd, Başûr de şerê zereyî yê kurdan yeno geşkerdene. Pîrogluyî pare kerd ke îqtîdar keno ke mîyanê şîdetî de welat bixeniqno. 

Pîrogluyî vat: ''O hêrişker seba qirkerdişî amebî bînaya ma ya HDPyî. Xora ey zî wina vat. No hêriş verê çimanê polîsan de ame kerdene. Cara polîsan rewî ra bînaya HDPyî girewte binê ablûqa. Ma heta nika xeylêk bedelî dayî. Şaristanê ma ameyî rijnayene, binê bodruman de merdimê ma ameyî qetilkerdene. Pê qirkerdişê Denîze Poyraz ame waştene ke muxalîfî bitersê. La ma do nêtersê. Tewirê dadîya embaze Denîze Poyraz ma rê bes o. No tewir tewirê kurdan û HDPyî yo. 

Îqtîdar keno ke pê diznayîşê sindoqanê weçînayîşî darbe bikero, şîdet welatî ra vila bikero û îradeyê şarî xesp bikero. Seba ke verê ney bêro girewtene ganî têkoşîn bêro berzkerdene. Hînî welat û şar sey ê 7ê hezîrane nîyê.  Îqtîdar zî zaneno şansê ci çin o la wazeno bedelê ci şar bido. HDP nê hêrişan ra ne terseno ne zî recifîyeno. Êyê ke pê qesre qayîl nîyê ganî HDPyî reyde şorê. Eke ma vera nê sîstemê mafya pîya û mil bi mil têkoşîn nêkerê faturaya ci do biba giranêr.''