41 kargehê ke aîdê galerîwanan bîyê û mabênê qezaya Pirsûsî ya Riha û dewa Elîgorî de bîyê bi îdîaya ke 'qeçax ê' hetê Şaredarîya qeyûmî ra ameyî rijnayene. 

Galerîwanan rayîrê Pirsûs û Elîgorî bi kerrayan qefilnayî û vera rijnayîşî nêrazîbîyayîşê xo mojna. Leşkeran bi TOMA û gazê îsotî hêrişê galerîwanan kerd û bi bahaneya 'kerrayan erzenê', 4 kesî destbend kerdî.

Dikandaran da zanayene ke bira rijnayîşî sîyasî ya û pêvînayîşê înan ê bi qeyûmî de qeyûm Îbrahîm Guneşî vato: ''Eke AKP weçînayîşan de rayanê zêdeyan nêgêro ez do nêverda şima nefes zî bigêrê û pêro kargehanê şima rijnena.''

Pirsûs de Partîya Çep a Keske weçînayîşanê 14ê gulane de se ra 66,3yê rayî girewtbî û AKPyî zî se ra 22,1ê rayî girewtbî.