Komîteya Rayberdişî ya PKKyî bi wesîleya serrgêra Temmuze Xoverdayîşê Rojeyê Mergî sîteyê xo de eşkerayîye pare kerd.

Eşkerayîya Komîteya Rayberdişî ya PKKyî ra tay cayî wina yê: “Ma sere de afirnayoxê na çalakîya tarîxîyî Rayber Apoyî silam kenê û şexsê Hayrî Durmuş, Kemal Pîr, Akîf Yilmaz û Alî Çîçekî de heme şehîdanê azadîye bihurmet û mintetî yad kenê.

Xoverdayîşê Rojeyê Mergî yê Pîlî yê 14ê Temmuza 1982yî 40 serrî xo dima verdayî. Rayber Apoyî Xoverdayîşê Rojeyê Mergî yê 14ê Temmuze  ke berê Xoverdayîşê Pîlî yê Zîndanî kerd a sey 'Mergî ra ver bi cuya azade pirdêko zixm ame ronayene.' erjnabi û veng dabi ke wa heme têgêrayîş û şar nê pirdî ra ravîyero şiro cuya azade. Ma sey têgêrayîş şarî 40 serrî yo serê nê pirdî ra ver bi têkoşînê azadîye şinê. Xoverdayîşê Rojeyê Mergî yê Pîlî têna darbêyêke nêda dişmenî ro, sîyaset û zîhnîyetê qirkerdişî pêro bin fîna û serkewtişê têkoşînê estbîyayîş û azadîye yê şarê kurdî garantî kerd.

Qet çewî talîmat nêda înan. Înan talîmat Rayberîye, partî û xeta cuya azade ra girewt û çalakîye kerde. Înan bi xo çîyo raşt dî, qerar girewt û berpirsîyarîya xo arde ca. Înan 'Cuye ra hend heskerdêne ke semedê ci merdêne.'  Bi na felsefe û îradeyî ser kewtî. Badê nê xoverdayîşê pîlî koyan de, bajar, deşte, zîndanan de heme têkoşînî xeta nê têkoşînî de bîyî xurt. Eke xete û rayîrê raştî de têkoşîn bêro kerdene dişmeno ke bin mekewo çîn o, serkewtişo ke dest nêkewo çîn o. Têkoşînê gerîlayan û şarî bi yew. Dişemeno ke nêeşka verê nê bîgêro 6ê gulana 1996î de ra nata  zafêr hêrişê Rayber Apoyî kerd û dima ra Komployê 9ê Teşrîna Verêna a 1998î ame kerdene.

Seba ke hêrişê topyekunî yê şerê taybetî yê rejîmê faşîstî bêrê betalkerdene gerek ma têkoşînê topyekunî bikerê. Nê semedî ra berpirsîyarîya her kesî est a. Têkoşînê her warî erjîyaye yê. Kam ça de eşkeno se bikero, gerek bi heme metodan bikero. Têkoşîn de hêzo ke do serkewtiş bifîno dest gerîla yê. Rayber Apo tim famkerdiş û terzî ser vindert. Vatêne ma şer de nê cuya de vînî kenê. Gerek ma xeta Rayberîye û şehîdan de zafêr xo rexne bikerê û çimeyanê xo yê hêzî raşt bişuxulnê. Ma rêxistinkerde têbigêrê û dişmenê xo şenik û wirde mevînê.  Ma xo xeta Rayberîye û şehîdan de perwerde û rêxistin bikerê ke serekwtişî bifînî dest.”