Komîteya Merkezî ya PKK’yî derheqê menga Gulane de eşkerayîyêk daye û nê pare kerdî:

‘’Ma sey şar û têgêrayîşê Kurdan Roja Şehîdan û Menga Şehîdan a  43’ine ciwîyenê. Şorişgêro gird Hakî Karero ke Rayber Apoyî vatêne ‘ Sey ruhê mi yo nimite yo’18’ê Gulan a 1977’î de Dîlok de hetê kontragerîlayanê Tirkî ra ame qetilkerdene. Nê 42 serran de Kurdîstan de bi nameye azadîye  her çî  çarçeweya vîrardişê Hakî Karerî de ame kerdene. Serrgêra şehedatê şorişgêrê girdî de ma heme şehîdanê mucadeleyê azadîye bi mînet û rêzdarî yad kenê û sozê waştişê înan bicaardişî danê.

Reyna rayberanê xoverdayîşê şorişgêrî yo ke vera derbeyê askerî-faşîstî yo ke 18’Gulane, 12’ Adar a 1971’î ame destpêkerdene Îbrahîm Kaypakkaya  yo ke 1973 Amed de bi îşkenceyî ame qetilkerdene, serrgêra şehadetê ey ya. Serrgêra 46’ine ya şehdadetê rayberê TKP-ML’yî Îbrahîm Kaypakkayayî de ma sexsê ey de heme şehdanê şorîşî yê Tirkîya yad kenê. Vîrê înan ma Têgêrayîşê Şorişgêrî yê Yewbîyayîya Şaran de dane ciwîyayene.

Serrgêra 41’ine ya şehdadetê rayberê şar û ciwanîye yê Hîlvanî hemra Halîl Çavgûn, serrgêra 22’ine ya şehadetê şehîdanê Komkiştişê Hewlêrî, rayberîya Salîh, Hêlîne û Ozanî de 34 hemrayanê xo, serrgêra şehadetê 37’ine ya şehîdanê xoverdayîşê zîndanî yê 17’ê Gulan a 1982’î  hemrayî Ferhat Kûrtay, Necmî Oner, Eşref Anyik û Mahmût Zengîn, hemra Sabrî Gozubuyuko ke 21’ê Gulan a 1985’î de Bozova ya Riha de şehîd kewt, endamê Komîteya Merkezî ya PKK’yî hemra Ahmet Kesîpo ke 25’ê Gulan a 1985’î de Şemzînan de şehîd bi, reyna fadaîyê Qeyserîyî hemrayê Erîş û Andok ê ke 25’ê Gulan a 2002’î de şehîd kewtî, ma şexsê înan de heme şehîdanê têgêrayîşê azadîye bi mînet û rêdarî yad kenê û sozê serkewtişê amencê înan newe kenê. Ganî şarê ma û hetê demokratî  raştîya şehîdan raşt fam bikerê, şehîdan bi vîr bîyarê û xetê înan de xoverdayîş xurt bikerê.

Ma sey têgêrayîş û şar bi hamleya ‘Ma tecrîdî bişiknê, faşîzmî birijnê û Kurdistanî azad bikerê’ ya ke rayberîya Leyla Guvene ameye girdkerdene, kewenê Menga Şehîdan a 43.  Grevê vêşanîye 6 mengî û nêm o dewam keno.  Reyna 30’ê Nîsane de hetê şorişgêran ra zindanan de rojeyê mergî yo gird ame destpêkerdene. Gerîlayê ma qehreman derbeyanê girdan dane dişmenî rê û rayberîya dayîkan, cinîyan û ciwanan  de xoverdayîş her roje gird beno. No xoverdayîşê topyekûnî peynîya faşîzmê AKP-MHP’yî ano. Xoverdayîşê ma xeylî planê serdestan pûç vetî û pêvînayîşê 2’ê Gulane giredayeyê nê xoverdayîşî yo. Na çarçewe de deklerasyono ke hetê Rayberê Şarê Kurdî Abdullah Ocalanî û embazanê ci ra ame weşanayene muhîm o. Ma do rêça şehîdan de xoverdayîşê xo gird bikerê. Şexsê Leyla Guvene û xoverdayoxanê rojeyê mergî de ma heme xoverdayoxanê grevê vêşanîye, dayîkê Kurdan û ê ke hemleya azadîye ya ma de ca gênê înan silam kenê û serkewtiş wazenê.’’