Amed,Şirnex û Stenbol de merdimanê tepişteyanê ke bi çalakîyan waşt ke balê biancê  serê rewşa xoverdayoxanê grevê vêşanîye raştê hêrişê polîsan ameyî.

Stenbol

Stenbol de polîsan hêrişê nobeta Bakirkoyî ya ke semedê paştdayîşê xoverdayoxanê ke semedê wesartişê tecrîdê serê Rabyerê Şarê Kurdî Abdullah Ocalanî grevê vêşanîye  û rojeyê mergî de yê, yena viraştene kerd. Merdimê tepişteyanê ke vernîya  Zîndanê Bakirkoyî de ameyî têhet ard ziwanê ke domanê înan mirenê û ê nêeşkenê vera naye bêveng vinderê û mergê înan bipawê û wazenê ke verê zîndanî de domananê xo rê nêzdî bî û bale biancê  xoverdayîşê înan ser. Polîsan hêrişê keyeyan kerd, tayî kesî derb kerdî û 15 kesî destbend kerdî.

Amed

Qezaya Baglarî ya Amedî de Parka Koşûyolû de keyeyanê tepişteyan waşt ke eşkerayîyêk bidê, la polîsan destûr nêda û hêrişê înan kerd. Tayî dayîkî xora şîyî. Bi seyan polîsan park kerde veng û bi wesayîtanê zirxinan girewte binê ablûqa û dekewtiş û vejîyayîşê parke qedexe kerd.

Şirnex

Şirnex de zî merdimê tepişeyanê ke vernîya Zîdanê Tipê T’î de ameyî têhet raştê hêrişê polîsan ameyî. Keyeyan reaksîyon de hêrişê polîsan û ard ziwan ke ê wazenê vengê domananê xo bide eşnawitene û vernîya mergê înan bigêrê. Keyeyan dime ra banê HDP’yî eşkerayîyêk daye. Hemserêke partîye yê bajarî Zekî Îrmezî da zanayene ke 20 tepişteyî  Zîndanê Şirnexî yê Tîpê T’yî de grevê vêşanîye de yê û vat ke heta ke waştişê xoverdayoxanê zîndanê bêro ca ê zî do çalakîyanê paştdayîşî rê dewam bikerê.