Mayanê Şemeyî ke hewteyê 944. yê çalakîya xo de waşt Meydanê Galatasarayî de semedê persayîşê aqibetê merdimanê xo yê ke bi destê dewlete ameyî vînkerdene, eşkerayîye bidê raştê hêrişê polîsan ameyî.

Polîsan mayî pîya bi kesanê bînan girewtê binê ablûqa û Sereka ÎHDyî ya Îstanbulî Gulserene Yolerî , lajê Hrant Dînkî Arat Dînk û Veli Salilik zî tede 25 kesî destbend kerdî.

Kesê ke ameyî destbendkerdene nameyê înan wina yê: "Zubeyde Tepe, Hanife Yildiz, İrfan Bilgin, Mikail Kirbayir, İkbal Eren Yarici, Ali Ocak, Besna Tosun, Ayşe Tepe, Hasan Karakoç, Huseyin Ocak, Ali Tosun, Gulseren Yoleri, Firat Akdeniz , Arat Dink, Sevil Turgut, Umit Efe, Coşkun Usterci, Veli Saçilik, Nazim Dikbaş, Hatice Korkmaz, Hunkar Yurtsever, Arzu Eriş, Elçin Dayanir, Bilal Yildiz, Taylan Bekin."