Mayanê Şemeyî waşt ke hewteyê 943. de Meydanê Galatasarayî yê Beyogluyî de eşkerayîyêke bidê. Mayê Şemeyî bi qeranfîlan şîyî Beyoglu la polîsanê tirkan ê nêzdîyê Meydanê Galatasarayî nêkerd.

Polîsanê tirkan meydan girewt binê ablûqa, hêrişê Mayanê Şemeyî kerd û xeylêk kesî zî destbend kerdî.

Polîsan rojnamegerî asteng kerdî û nêzdîyê meydanî nêkerdî.

Hêriş de Hemsereka Pêroyî ya ÎHDyî Erene Keskîn zî tede 17 kesî ameyî destbendkerdene. Nê ameyî berdene bi Mudirîya Asayîşî.

Maya Haştîye Hanime Tosuna ke vera polîsan nêrazîbîyayîşê xo mojna, vat ke weşîya ci hol nîya û destê ci şikite yo. Rixmê ney zî polîsan a zî destbend kerde.

Nameyê destbendkerdeyan wina yê: Mikail Kirbayir, Îrfan Bîlgîn, Eren Keskîn, Masîde Ocak, Sebla Arcan, Besna Tosûn, Ali Tosûn, Alî Ocak, Huseyin Ocak, Hanim Tosûn, Yasemîn Bektaş, Aylîn Tekîner, Îkbal Eren, Setenay Yarici, Hanîfe Yildiz, LemanYurtsever, Nuray Çevîrmen.