Bajarekê Ewranî yê Mûşî de bi wesîleya serrgêra şehadetê ci mezelê hunermendê kurdî Mîr Perwerî yo ke Paris de ame qetilkerdene, ame zîyaretkerdene. Polîsan hêrişê merdimanê Mîr Perwerî kerd.

 Kesanê ke waşt tewrê vîrameyîşê Mîr Perwerî bibê hetê polîsan ra dekewtişê bajarekî de ameyî vindarnayene. Destur nêdîya ke rêxistina DEM Partî ya Muşî û Meclîsê Ciwanan ê DBPyî û îdarekarê TJA bikewê bajarekî. Leşkeran vat walîtîye dekewtişê bajarekî qedexe kerdo û rayîr de barîkatî nayî ro.  Şarê na rewşe protesto kerd û warî ra agêra.

Hetê bînî ra merdimanê Mîr Perwerî ke waşt serê mezelê ci ey bîyarî vîr rixmê astengkerdişê leşkeran şîyî mezelî ser. Polîsan bi derbkerdişî ê mezelan ra vistî dûrî.

Dekewtiş  û vejîyayîşê mezelan hetê leşkeran ra ame qefilnayene.