10ê teşrîna verêne ya 2023yî de Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' dîyabî destpêkerdene. Komelnasê Zanîngehê Otonomî yê Barcelona Prof. Louis Lemkowî derheqê Hemleya Azadîye û tecrîdê Îmraliyî de ANFyî rê qisey kerd.

Lemkowî îfade kerd ke tecrîdê Îmraliyî qet nêno qebulkerdene û vat: ''Şert û mertê tecrîdê Îmraliyî hetê huqûqî ra nênê şirovekerdene. No tecrîd nêno qebulkerdene. Tecrîdê Îmraliyî rojdemê ma de yo zî.''

Lemkowî da zanayene ke dewleta tirke kena ke tecrîdê Îmraliyî normalîze bikera û vat: ''Tirkîya de formelîte ra  demokrasî est o; a raşte rejîmêkê teda est o. Binpaykerdişê heqanê Abdullah Ocalanî zî îsbatê ney o. Tirkîya de demokrasî yeno çinkerdene. Heqanê esas û azadîyan de kêmbîyayîşêk est o. Seba çareserîya meseleyanê sîyasîyan, sîstemê muhakemekerdişî şuxilîyeno.  

Abdullah Ocalan seba çareserîya meseleya kurdan aktorêko girîng û pîl o. Coka ganî o azad bibo. O seba îdeolojî û waştişanê xo ra  yeno mehkumkerdene. No zî mojneno ke o tepişteyêko sîyasî yo.''