Prof. Norman Paechî muracat kerd ke  sey 'keso ke mesele zaneno'  tewrê dawaya  sîyasetmedarê kurdî Mustafa Çelîkî ya ke temmuze ra nata Hamburg de roniştişê ci yenê kerdene bibo.

Mustafa Çelîk menga çeleyî de Bremen de amebi destbendkerdene. Çelîk ê mexdûran ra yo ke bendê 129b ra yeno hukmkerdene ke vera têgêrayîşê kurdan ame vetene. Çelîk serra 2015î de zî bi cezaya zîndanî amebi cezakerdene. 2 serran ra dima azad bi la bi heman sûcdarîye reyna yeno hukmkerdene. Rixmo ke Çelîk de nêweşîyê kronîkî û roqle estê û ganî bêro weşkerdene bi mengan o ke zîndan de yo. Hukmkerdişê Çelîkî menga temmuze de Hamburg de dest pêkerdbi.

Roniştişê dewa do 7ê êlule û 9ê êlule de newe ra dest pêbikero. Prof. Norman Paechî seba ke bi hawayêkê 'keso ke mesele zaneno' bêro goşdarîkerdene muracatê mehkeme kerd. Goreyê zanayîşan Prof. Peachî waşt ke fikrê xo yê derheqê dewa de bîyaro ziwan.

Peach tay dewayanê bînan de zî bi sernameyê 'meseleya kurdî û huqûqê mîyanneteweyî' doneyê zanistî pêşkêşê mehkemeyan kerdbi û îfade kerdbi ke çira PKK rêxistinêka terorî nîya.