Qeyûm taxêke rijneno: Şar bi zorî keyeyan ra yeno vetene
Qeyûmê Şaredarîya Amedî bi rayîrê polîsan şar keyeyan ra bi zorî vet û dest pê rijnayîşê taxa Fabrîka kerd.
Qeyûmê Şaredarîya Amedî 2021 de bire dabî ke taxa Fabrîka ya qezaya Bajarê Nû de 20 keyeyê 18 kesan bikera malê umûmîye û birijna.Her çiqas şarê taxe vera nê kerdişî têkoşînê huqûqî kerdbi zî mehkemeya tirkan qeyûmo xespkar pawit.
Ewro qeyûmî makînayê karî, hêzê zabita û polîsan şawitî taxe. Înan şar bi zorî keyeyan ra vet û dima dest pê rijnayîşê taxa Fabrîka kerd.
Polîsan taxe girewte binê ablûqa. Destûr nêdîyeno ke şar bikewo taxe.
