9ê çeleyê 2013î de paytextê Fransa Paris de ronayoxanê PKKyî  ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan ê Kurdan Leyla Şaylemez (Ronahî) ameybî qetilkerdene. Bi wesîleya serrgêra qirkerdişişî ewro kurdî û dostê înan Paris de vejîyayî kuçeyan.

Çalakîya ke bi vengdayîşê TJK-F û CDK-Fyî ameye kerdene, Keyeyê şehîdan, endamê TJK-E, Hemserekê KONGRA-GELî Remzî Kartal, temsîlkarê partîyanê sîyasîyan ê Fransa û xeylêk têgêrayîşî tewrê ci bîyî. Kurdîstanijî Gare Du Nord ê Parisî de ameyî yewca. Rêxistinanê femînîstan, Komeleya Paştdayîşê bi Kurdîstanî, MRAP, Partîya Antîkapîtalîste, Sendîlaya Soldairesî ya Partîya Çepgîre, Partîya Komunîste zî tede xeylêk têgêrayîşanê şorişgêran ê Tirkîya zî paştî daye çalakîye.

Rayraşîyayîş de sloganê sey 'Edalet û raştîye', 'Bêvengîya şima hemkarîya şima ra ya', 'Wa bêcezatîye biqeda, edalet bêro ca', 'Erdogano ke fermanê qirkerdişî dayo wa bêro muhakemekerdene' ameyî vatene.Rayraşîyayîşî saetêke dewam kerd û dima mîtîngî dest pêkerd.

Birayê Sakîne Cansiz Metîn Cansiz û babîyê Fîdane Dogan Hasan Doganî bi wesîleya bi nameyê keyeyanê şehîdan şar selam kerd. Hasan Doganî vist vîrî ke dadgerê dewa yê ê wexî vato 'ez dewa hende cayêkî bena dima ra ginena dêsî ro' û vat o des desê emperlîzmî yo û waşt ke Fransa wa polîtîkaya dirîye caverdo. Metîn Cansizî ard ziwan ke heta caardişê edaletî destê bi mîlyonan pêsîrê înan de  yo û vat heta ronşkerdişê qirkerdişî do têkoşîn bêro dewamkerdene.

Besîme Koncaya ke bi nameyê Têgêrayîşê Azadîye yê Cinîyan ê Ewropa qisey kerd  arz ziwan ke ê kiştoxan nas kenê û vat ê do bibê teqîpkarê têkoşînê Sakîne, Rojbîne û Ronahî. Qiseykerdişê bi nameyê dezgehanê cinîyan Fransa de zî guleyê ke erzîyayê hîrê cinîyan ê şorişgêre sey hêrişê vera têkoşînê famînîtî ameyî hesibnayene û ame vatene ke bi paştdayîşê Fransa no qirkerdiş ame kerdene.

Serekê KONGRA-GELî Remzî Kartalî zî ard ziwan ke Fransa heta ke qirkerdişî roşn mekero hemkarê ci ya û vat têkoşînê şaran do peynî de ser bikewo. KJK zî bi mesajê xo warê çalakîye de bi. Eşkerayîye de ame vatene ke Têna dewleta tirke nê sere de Fransa û Almanya sîstemê modernîteyê kapîtalîstî mesuldarê qirkerdişî ya.

Îdarekar û endamê  Partîya Çepgîre, Partîya Komunîste zî tewrê çalakîyê bîyî û semedê roşnkerdişê qirkedî veng da hukmatê Fransa. Qiseykerdişan de  semedê paştdayîşê kurdan mesajî ameyî dayene û ame vengdayeneke wa Rayberê Şarê Kurdî Abdullah Ocalan û sîyesetmadarê kurdî serbest bêrê veradayene.