28ê teşrîna peyêne de çarçewaya cipersayîşê Serdozgerîya Komera ya Bedlîsî qezayanê Xîzan û Tetwan û Wan zî tede xeylêk bajaran de operasyonê qirkerdişê sîyasîyî ameyî kerdene û  cinî û domanî zî tede 110 kesî ameyî destbendkerdene.

Kesê ke bi îdîaya endamîye û hetkarîya rêxistine ameyî destbendkerdene înan ra tayî ameyî berdene Mudirîya Polîsan a Bedlîsî û zafê înan sewqê edlîyeya Bedlîsî bîyî. Mehkeme de 50î ra zafêr kesî ameyî tepiştene.

Dîya zanayene ke nê kesî nezarat de raştê şîdetî ameyî û pêvînayîşê înan bi avûkatn ame astengkerdene.

Kesê ke ameyî tepiştene înan ra tay nameyî wina yê:"Kerem Çetin, Haci Gezici, Sedat Kesici, Seyithan Yaman, Murat Arvas, Nurullah Arvas, Ebutalip Arvas, Mahir Hergul, Erdal İnal, Abdulhalim Gezici, Suleyman Korkmaz, Turan Çetin, Cindi Akbulut, Masum Deniz, Mustafa Gezici, Mekan Çetin, Gürgün Çiftçi, Sinan Aydın, Emrah Aydın, Fırat Gezici, Helin Avras, Cemil Balı, Tahir Avras, Mahmut Şen, Şukru Baykan, Mehmet Hergul, Bedrettin Gezici û Eylem Deniz Arvas."

Dewa Şênî ya Xîzanî de polîsan bi gerreyê xeletî eşt keyeyê kesêkê extîyar û çiman ra astengdarî ser. Leşkeran ber û penrayî şikitî û bi saetan cigêrayîş kerd. Leşkeranê ke fam kerd ê xelet ameyî keye tehdît kerd û wa gerreyê înan mekero.