Qeyûmê Şaredarîya Wanî weçînayîşanê herêmîyan ra verî dest pê îstîhdamkerdişê personelanê kerd û kontenjanê BEL-VANî 2200 ra kerd 4600.

Serekê Dayîreyê Karmendan Sedat Unal yê AKPyî û namzetê şaredarîye yo verên ê MHPyî Azîz Gulbay ê ke tim bi bêusûlîye, dizdîye û bertîlkarîye rojdem de yê, nika zî bi bedelê 15 hezar bertîlî 400 karkerî girewtî karî.Pereyê nê bertîlan zî şinê Komeleya 'Vatansever Gençler' û Ulku Ocaklari.

Karkero ke nêwaşt nameyê xo bido da zanayene ke ey seba karî muracatê şaredarîye kerdo û ey ra bertîl ameyo waştene. Karkerî vat: ''Mi eşnawit ke BEL-VAN karkeran gêno karî coka mi muracat kerd. Muracat de înan mi rê vat ke 'Ti eşkenî çendek paştî bidî ma?' Mi fam nêkerd coka înan vat '15 hezar lîra bide ma, ma to cade bigêrê.' Mi vat ke ez nêeşkena hende pereyan bida. Înan vat ke ê do agahîye bidê mi la nêda. Înan bi eşkerayî mi ra bertîl waşt.''