Raporê hezîrane: Vera rojnamegeran tepiştiş, destbendkerdiş, hêrişî

DFGyî da zanayene ke menga hezîrane de 25 rojnamegerî raştê hêrişî ameyî, 35 rojnamegerî ameyî destbendkerdene û 16 rojnamegerî zî ameyî tepiştene.

Komeleya Rojnamegeran a Dîcle-Firatî (DFG) raporê 'binpaykerdişê heqanê rojnamegeran ê hezîrane' eşkera kerd.

DFGyî eşkerayîya xo de vist vîrî ke serrgêra qetilkerdişê rojnameger Hafiz Akdemîrî de 8ê hezîrane de Amed de vera çapemenîya azade operasyon ame kerdene û 20 rojnamegerî ameyî destbendkerdene.  DFGyî da zanayene ke nê 20 rojnamegeran ra 16ê ci 8 rojan ra dima ameyî tepişteyene.

DFGyî pare kerd ke 16 rojnamegerî qestî ra ameyî hedefkerdene û vat: ''Bi qanûnê Dezenformasyono ke tira 'sansur' vajîyeno, yeno waştene ke medya bi temamî bêra bêvengkerdene.  Îqtîdar keno ke medyaya azade û muxalîfe binî ra biqedîno. Têkoşînê ma yê vera 'Qanûnê Sansurî' do dewam bikero.''

Rapor de derheqê binpaykerdişan de nê agahîyî ameyî dayene: 

* Rojnamegerê ke raştê hêrişî ameyê: 25

* Rojnamegerê ke erzîyayo keyeyê înan ser: 25

* Rojnamegerê ke ameyê destbendkerdene: 35

* Rojnamegerê ke raştê kerdişê xirabî ameyê: 49

* Rojnamegerê ke teqîbê xeberan de ameyê astengkerdene:35

* Rojnamegerê ke raştê tehqîqatî ameyê: 27

* Rojnamegerê ke derheqê înan de dewa ameya akerdene: 5

* Rojnamegerê ke ceza werda: 16

* Rojnamegerê ke dewaya înan dewam kena: 156

* Rojnamegerê ke hema zî tepişte yê(1ê Temmuza 2022yî ra nata): 76

* Bira qedexeyê weşaneyî:4

* Xeberê ke ameyê astengkerdene: 12