Raporê Meclîsê Parlamenteran ê Konseya Ewropa de ame vatene ke Tirkîya de îşkence zêdîyayo.

Qeraro ke kombîyayîşê heyetê pêroyî yê Strasbourgî de ame girewtene de 67 parlamenteran ra bi qebulkerdişê 66 parlamenteran ame fermîkerdene. Goreyê raporî welatanê sey Tirkîya, Rûsya û Azebeycanî de îşkenceyo sîstematîk û muameleyo xirab ameyî tesbîtkerdene.

Rapor de ame vatene ke dewleta tirke vana  înan de qet îşkence çîn o la serranê peyênan de îşkence û muameleyo xirab zêdîyayî.

Rapor de bale ameye antene dewayanê Rayberê Şarê Kurdî Abdullah Ocalan, Selahattin Demirtaş û Osman Kavala zî ser Konseya Ewropa ra ame waştene ke wa nê dosyayan nêzdî ra teqîp bikero. Reyna  vatene ke çend serrî yo şertê tecrîdê serê Abdullah Ocalanî xirabêr bîyê.

Rapor  ame vatene 2017î ra nata îşkence zêdîyayo û bale ameye ser antene ke CPTyî raporê xo hema zî eşkera nêkerdo û ame waştene ke wa CPT raporanê xo bê destûrê welatan eşkera bikero. Qerar de ame vengdayene ke  welatê ke endamê Konseya Ewropa yê wa vera îşkence û muameleyê xirabî tedbîran bitesîran bigêrê.