Îzmîr, Eskîşehîr û Îstanbulî ra girseyî seba azadîya Rayberê Şarê Kurdî Abdullah Ocalanî ver bi Gemlîkî kewtî rayîr.

Herêma Ege ra xeylêk kesî Meydanê Newroze yê qezaya Buca yê Îzmîrî de ameyî pêser. Polîsan dormeyê girseyî girewt la girseyî bi sloganan cewab da polîsan. Rayraşîyayîşê verî 16 kesî ameyî destbendkerdene û ameyî berdene bi Mudirîya Asayîşî ya Çankaya. Nameyê tay destbendkerdeyan wina yê: Mahsum Koç, Ayşe Sılık, Cuma Kolu Kısa, Şakir Oklav, Fulya Erdoğan, Abdulgani Telli, Fatma Funda Akbulut, Dindar Arslanğray, Ramazan Sılık, İbrahim Esen, Nevzat Aktaş, Sıraç Turğal, Emanet Kaban, Kudbettin Karagöz û Kamil Dağ.

Girse bi qerardarî rixmê hêrişan ver bi Gemlîkî kewt rayîrî.

Îstanbul de rixmo ke varayîş û lodos est ê qezayanê cîyayan ra merdimî Bagcilar de ameyî pêser. Girseyî bi çepik û deyîran govende dest pê rayraşîyayîşî kerd û sloganê ''Bijî Serok Apo'' vat. 

Qezaya Esenyurtî de zî xeylêk kesî bînaya HEDEPî de ameyî pêser û tîya ra kewtî rayîrî. Qezaya Bayrampaş û Arnavutkoyî ra zî şar ver bi Gemlîkî kewt rayîr.