Rayraşîyayîşo Dergo ke hetê ciwananê kurdan û enternasyonalîstan ra semedê azadîya Rayberê Şarê Kurdî Abdullah Ocalanî dîya destpêkerdene, roja peyêne de polîsanê almanan û nîjadperestan hêrişê ci kerd.
Rayraşîyayîşo Dergo ke serkeşîya Têgêrayîşê Ciwanan ê Şorişgêran (TCŞ) û Cinîyan ê Şorişgêran (TekoJIN) semedê azadîya Rayberê Şarê Kurdî Abdullah Ocalanî bajarê Kolnî yê Almanya de dîya destpêkerdene vizêr Aachen de qedîya.
Roja peyêne de verî nîjadperestanê tirkan û dima ra polîsanê almanan hêriş kerd. Hêrişê faşîstan de ciwanêk birîndar bi û wedarîya nêweşxane. Çalakwanan vera polîsan hersê xo ard ziwan ke înan mudaxaleyê hêrişkaran nêkerd. Ciwanan verê Elisen Galerie rayîr girewt sloganê ''PKK'' û ''Bicîwiyo Rayber Apo'' eştî. Polîsan seba ke nê sloganî qedexeyê hêrişê ciwanan kerd û atkîvîstêkê TCŞyî destbend kerd.
