Ekîbê Serekîya Cemxaneyan ê Kulturê Elewî-Bektaşîyî ya ke hetê AKPyî ra ameye ronayene, dewanê elewîyan, cemxane û komelayan de gêrenê 'Pîranê bimeaşan.'  Rêxistiananê elewîyan vera nê nêrazîbîyayîş mojna.

Dêrsim de serkeşîya Komeleyanê Demokratîkan ê Elewîyan (DAD) û Komeleya Kulturê Pîr Sultan Abadalî (PSAKD) de Kuçeyê Sanatî de eşkerayîye ameye dayene.

Wekîla Partîya Çep a Keske ya Dêrsimî Aytene Kordu û temsîlkarê partîyanê sîyasîyan û rêxistinanê komelê sîvîlî yê bajarî tewrê eşkerayîye bîyî.

Hemserekê Pêroyî yê DADî Musa Kulu ard ziwan ke AKP keno ke bawerîye û cîyayîye  elewîyan werte ra wedaro.

Hemserekê PSAKDyî yê Dêrsimî Ekber Kayayî zî vat, ''Ma wazenê bi bawerî û ziwanê xo biciwîyê. Genî nê tewirî bêrê cavedayene. Maeşgirewtişê pîran yeno manaya kulbîyayîşî.''

Ayten Kordu zî  nê vatî: ''Ewro binê meaşdayîşê pîran wazenê pîran rê bîat bidê kerdene. Wazenê ke elewîyî bîat bikerê. Bawerî, heqîqet, rayîr û îbadetê yew şarî nas nêkenê la piranê ci  kenê bimeaş. Rayîr û heqîqetê ma bewlî yo; heta ewro ma rayîrê xo de senî şîyî, ma do ewro ra tepîya zî wina şirê. Ma heta ewro kesî rê bîat nêkerd, ma do ewro ra tepîya zî bîat mekerê.''