Rewşa 23 tepiştan zaf giran a

Sereka ÎHD'yî ya Enqere Nûray Çevîrmene da zanayene ke hepîsxaneyanê Anatolîya Mîyanêne de 116 tepişteyê nêweşî estê û înan ra rewşa 23 kesan zaf giran a ke ê nêeşkenê hepisxane de bimanê.

Sereka Komeleya Heqanê Merdiman a Enqere Nuray Çevîrmene ANF'yî reyde qisey kerd û derheqê rewşa tepişteyanê nêweşan ê Herêma Anatolîa Mîyanêne de zanayîş da.

Çevîrmene ard ziwan ke seba tepişteyanê nêweşanê ke nêşkenê heqê xo yê dermankerdişî bixebitnê, ê muracatê zafê sazgehan kenê, labelê netîceyêk nêgênê û vat, "Pê paştdayîşê Odeya Tabîban a Enqere, ma serra 2018 de derheqê tepişteyanê nêweşan de raporêk amade kerd. Ma no rapor Komîsyonê Cigêrayîşî yê Heqanê Merdiman ê Meclîsî, Wezaretê Edelatî, Mudirîya Hepisxaneyan û Wezaretê Weşîye rê erşawit. Cewab dimayê mengêke ame dayene. Cewabo ke yew wexto kilm de ame dayene de rapor nêame cigêrayene. Her çiqas meseleyê giranî yê tedawîkerdişî estê zî cewabê çîyêkî wextêko kilm de nêno dayene la nezaketîya înan a ke problemê pîlî yê nêweşan mojnenê. Seba ke nênê dermankerdene zafê nêweşî wefat kenê. Goreyê doneyanê şeş mengan destpêkê serra 2016'î hepisxaneyanê Tirkîya de 2 hezar û 300 kesan wefat kerd, labelê derheqê sedemê mergê înan de zanayîşî nêameyî girewtene.‘‘