Şûbeyê Tirkîya yê Rêxistina Efû ya Mîyanneteweyî semedê veradayîşê rojanamegeranê tepişteyan eşkerayîyêke daye.

Eşkerayîya ke bi îmzaya Selahîyetdara Çapemenîye ya Tirkîya ya Rêxistina Efû Fatma Yorur  ameye dayene de bale ameye ser antene ke Tirkîya qanûnan goreyê keyfê şuxulnena. Eşkerayîye de ame vatene ke Bariş Terkoglu, Bariş Pehlîvan, Hulya Kilinç, Murat Agriel, Aydin Keser û Mehmet Ferhat Çelikî yê ke ameyî tepiştenenê heqê azadîya îfedeyî yê înan ameyo binpaykerdene. Eşkerayîye de ame vatene ke ê semedê tepiştişan qerqilîyenê  ke hukmkerdişî bêhewceyê. Rêxistina Efû ya Mîyanneteweyî waşt ke rojnamegerê tepişteyî cade bêrê veradayene.