Tepişteyo nêweş Abdulalîm Kaya (85) yo ke se ra 93 asntengdar o rixmo ke eztîyar û nêweşo giran o zîndan de yeno tepiştene. Lajê ci Îsmaîl Kayyaî vat, rewşa babîyê ci zaf krîtîk a, beno ke her hele bimiro  waşt wa cade bêro veradayene.

Abdulalîm Kaya seba ke 2008 de tewrê yew eşkerayîya çapemenîye bi cezaya 5 serran dîayaye ci û 2011î de cezaya ci ameye tesdîqkerdene. Rixmo ke newe amelîyat bibi hema ence amelîyatî naêeybî girewtene ke ame tepiştene û şawiya Zîndan Tîpê Hyî yê Bursa. Bi halê xo yê nêweşî 60 rojî tena ame tepiştene. Badê muracatan cezaya ci 6 mengî ameyî peydeeştene. Kaya agêra Sêrtî û tedawîya xo rê dewam kerd. 2021î de raporê se ra 91 astengdar o girewt. Kaya bi yew velgî ciwîyeno û nêweşê demansî yo. Serrêke verî qelbî xo ra ancu bi.  2022yî de Nêweşxaneyê Cigêrayîş û Perwerdeyî yê Sêrtî ra se ra 93 raporê astengdarî geno.

Abdulalîm Kaya rixmê nêweşîyanê xo yê giranan adara 2023yî de reyna tepişîya û Zîndanê Tîpê Myî  yê Êlihî de ame cakerdene. Rîyê nêweşîyanê xo ra ame berdene Zîndanê Tîpê Ryî yê Xarpêtî. Tîya aşmêke û nîme têna mend û rewşa ci dahîna bîye xidare.  Keyeyê ci muracat kerd ke wa nerwera bêro Êlih. 5 aşmî verê reyna ame Êlih.  Dezgehê Tibê Edlîyî  31ê tebaxa 2023yî de raporê eşkenê zîndan de bimano da.  Îdareyê zîndanî zî seba ke hîşê ci ca de nîya çarçeweya Genelgeyê Serekkomarîye seba ke tehlîye bibo nuştşî kerdî.

Lajê Kayayî, Îsmaîl Kayayî derheqê rewşa babîyê xo de ANFyî rê qisey kerd û nê vatî: ''Babîyê mi bi hetkarîya embazanê ci bi sandalyayê tekerlekin ame pêvînayîş. Nizdê di serran o ke erd de yo. Rixmê rewşa xo ya girane zîndan de sey rehînî yeno tepiştene. Hîşê babîyê mi ca de nîyo. Pêvînayîşê peyênî de ma nêsarisnayî. Babîyê mi beno ke her hele bimiro. Madeyo ke babîyê mi tira ameyo tepiştene, gina war la hema pratîk de nêameyo caardene.  Ganî babîyê mi cade bêro veradayeen. Ma nêwazenê babîyê mi zîndan de bimiro.  Ma veng danê hukmatî danê ke wa helêke cuwa ver nêweş û extîyaran veradê.''