Kedkaranê Çapemenîya Azade waşt semedê embazanê xo yê ke operasyonanê  Amed û Anqara de ameyî destbendkerdene û tepiştene Kadikoyê Îstanbulî de eşkerayîye bidê. Rojnamerî û Wekîla HDPyî ya Îstanbulî Zuleyha  Gulum hetê polîsan ra gerîyayî binê ablûqa.

Bado ke rojnamegeran dovîzê “Çapemenîya azade nêeşkena bêro bêvengkerdene” û “Ma do hiş mekerê” akerdî polîsan hêriş kerd. Naye sero rojnamegeran yew fekî ra  slogana“Zextî nêeşkenê ma vindarnê” vate. Nameyê rojnamegeranê ke ameyî destbendkerdene wina yê: “Pinare Gayip, Zeynepe Kuray, Eyleme Nazlier, Serpile Unal, Esra Soybir  û Yadigar Aygun.”

Rojnamegeranê ke binê ablûqa de sloganî eşt ê, hetê polîsan ra lezabez pê kelemçeyan peykîyan ameyî destbendkerdene.  Rojnameranê bînanê ke waşt dîmenan biancê înan zî polîsan dir pêrodayîş kerd. Dima ra polîsan pê barîyeran warê eşkerayîye dekewtiş û vejîyayîşî rê girewt.

Gulume seba polîsan hêrişê rojnamegeran kerd û destbend kerdî nêrazîbîyayîş mojna û bi qîrayîşî vat: “ Êyê ke wazenê verê weçînitişî vengê şarî û çapemenîye bîgêrê ewro reyna pê destbendkedişan cewab danê. Wa nê hole bizanê ne çapemenîya azade, ne ma ne zî êyê ke semedê ameyoxê welatî xebiteyenê do çirey têkoşînî caverdê. Ma zanê ke seba ke raştîyan binimnê wina kenê. Kenê ke vengê heqîqetî bibirnê. Wexto ci yo ke ma pêro pîya vengê xo vejê. Çew nêeşkeno vengê ma bibirno. Êyê ke têkoşîn kenê do tim tîya bê.” 

Derûdorî ra hemwelatîyan pê çapikan paştî daye qiseykerdişê Gulume.