Rojnameger Yilmazî gerreyê îşkenceyî kerd
Rojnameger Sedat Yilmazo ke 29ê nîsane de Amed de amebi destbendkerdene, raştê îşkenceyî ame. Yilmazî gerreyê îşkenceyê polîsan kerd.
29ê nîsane de 15 şaristanan de bi seyan kesî çarçewa tehqîqatêkê Serdozgerîya Komare ya Anqara de ameybî destbendkerdene.
Rojnamegerê Ajansê Mezopotamya (MA) Sedat Yilmaz û Hemsereka DFGyî Dîcle Muftuoglu yê ke Amed de ameybî destbendkerdene sewqê Anqara ameybî kerdene. Qedexeyê pêvînayîşî ra dima Dîcle û Yilmazî vizêr avûkatê xo dîyî. Înan pare kerd ke pê otobuse û bi hawayêkê kelemçekerdeyî 15 saetan de sewqê Anqara bîyê û 24 saetan werd nêdîyayo înan.
Yilmazî da zanayene ke polîsan ey rê ajanîye ferz kerda, îşkence kerdo û nêngî çinayê.
Avûkata Yilmazî Şule Recepoglu Serdozgerîya Komare ya Anqara rê gerreyê îşkenceyî kerd.
