Rojnamegeran Nezahate Dogan û Dîcle Muftuoglu muracatê Wezîrîya Edaletî û waşt ke çarçewa nîqaşanê serê çareserîya meseleya kurdan de Îmrali de Rayber Apoyî de roportaj bikerê.

Hemsereka Komeleya Rojnamegeran a Dîcle Firatî (DFG) Dîcle Muftuoglu nameyê rojnamegeran ser o eşkerayîye daye û vat ke sey rojnamegerî ê nîqaşanê serê çareserîya meseleya kurdan teqîb kenê.

Dîcle vat: ‘’Xeylê dormeyan eşkerayîyî dayî û ma zî xîret kerd ke nê qiseyan rayaumûmîye de pare bikerê. Pêro dormeyî weşananê gandaran de eşkerayîyan danê. La îmkanê ma çin o ke ma eşkerayîyanê serê Ocalanî yekser rayaumûmîye de pare bikerê. Coka seba ke ma Birêz Ocalan de roportaj bikerê muracat kerd. Erkê ma yo ke ma komelî agahdar bikerê û Ocalanî rê persan pers bikerê.’’

Dîcle venga pêro rojnamegeranê bînan zî da ke seba rojnamegerîyêka objektîfe muracat bikerê.