Torra Heqanê Merdiman a Kurdîstanî da zanayene ke rojnamegere Nazîla Maroofîan 1ê êlule de seba ke wezîfedarê îşkencekarî bêrê cezakerdene dest pê grevê vêşanîye kerd.

Nazîla seba ke babîyê Jîna Emînî de roportaj kerdo raya çarine tepişîyabî. Nazîla wazena ke wa vera bidîya û wezîfedarê ke îşkenceyê aye kerdo, ceza bigêrê.

Nazîla 30ê tebaxe de pê îşkenceyî amebî destbendkerdene û Zîndanê Evîne ra 31ê tebaxe de îşkenceyî ra ameye berdene bi nêweşxaneyî. Nêweşxaneyî ra dima Nazîla Maroofîan apey ameye berdene bi zîndanî.