Rojnamegeranê kurdan ê tepişteyan Dîrene Yurtsever, Bêrîvane Altan, Ceylane Şahînlî, Denîze Nazlim, Emrullah Acar, Selman Guzelyuz, Hakan Yalçin, Habîbe Eren Ozgur seba 10ê Çeleyî Roja Rojnamegerê ke Xebitîyenê zîndanî ra mesaj şawit.

Mesaj de ame vatene ke rixmê tedayan zî înan qetî krîteranê çapemenîya azade ra tawiz nêdayo û ça de benê wa bibê tim raştîyan teqîb bikerê.

Hemserekê Komeleya Rojnamegeranê Dîcle-Firatî (DFG) Serdar Altano ke Zîndanê Amedî de tepişte yo, bi rayîrê keyeyê xo mesajêk şawit. Altanî 10ê Çeleyî sey roja xoverdayîşî ya tepişteyan pênase kerd. Altanî da zanayene ke 86 rojnamegerî zîndan de yê û vat: ''Ma tepişte bibê zî têkoşînê ma yê nuştişê heqîqatî dewam keno. 10ê Çeleyî seba ma roja xoverdayîşî ya. Ê ma rê gefanê tepiştişî wanenê la nêzanenê ke rojnamegerîye hêz dana ma. Ma paştdayîşî pîl bikerê û 10ê Çeleyî bivurnê 'roja fîrazkerdişî.' ''