Operasyonê qirkerdişê sîyasîyî de rojnamegerî Sîbele Yuksel, Firat Can Arslan û Delal Akyuz sereştişê keyeyanê xo de ameyî destbendkerdene.

Çarçewa operasyonê qirkerdişê sîyasî yê Serdozgerîya Komare ya Amedî de muxabîrê Ajansê Mezopotamya Delal Akyuz Îzmîr de sereştişê polîsan de ame destbendkerdene. Wextê destbendkerdişî de mabênê Akyuz û polîsan de nîqaş û alozîye qewimîyayî. Akyuz ame berdene bi Mudirîya Asayîşî ya Îzmîrî.

Muxabîrê MA Firat Can Arslan zî Anqara de ame destbendkerdene. Arslan Mudirîya Asayîşî ya Anqara de tepişîyeno. Sereştiş de polîsan dest na telefon û komputerê Arslanî ser.

Rojnamegere Sîbele Yukler zî Anqara de sereştişê keyeyê xo de ameye destbendkerdne. Yuklere ameye berdene Mudirîya Asayîşî ya Anqara.