Rojnamegero Kurdo ke 6 serrî kampa bextwaştoxan de mend bi azad

Rojnamegerê Kurd Behrûz Bokanî şeş serre kampa bextwaştoxan a Awustralya ya Papua Gîne ya Newe de bextwaştox bi. Bokanî kampe de bi telefonî kitabek nusnabi û nê kitabê ey xelate girewtîbî. Bokanî êdî azad o.

Behrûz Bokanî yo 35 serre demeko derg bî çimeyo girîng ê zerê kampe û ey bi hawayêkî verfekîya koçber û bextwaştoxanê kampa Menusî kerde.

Bokanî bi pasaporta ke Komîserîya Berze ya Bextwaştoxan a Neteweyanê Yewbîyayeyan û vîzeya ke Organîzasyonê Efî yê Mîyanneteweyî daya roja pancşemeyî kampe ra vejîya û rest Zelendaya Neweye. Yeno pawitene ke Bokanî kitabê xo ‘Koyan ra sewbîna dost çin o: Hepisxaneyê Manusî ra notî’ ser o pêşkêşîyêk zî bikero.Bokanî kitabê xo bi telefon nuştîbî û bi rayîrê whatsapî açarnayoxî rê erşawitibi. Nê kitabî xelata edebîyatê yê Vîktorîa girewte.  Bokanî kitabê xo de behsê raywanîya xo ya çetine ver bi Awustralya, girewtişê xo, tecrube, merg û xokîştişanê ke kampê bextwaştoxan de qewemîyenê keno.

Bakonî demo ke xo resna Zelandaya Neweye Rojnameya Guardian rê qisey kerd û vat: “Reya verên a ke ez seba ke cuye ra dûrî menda bextewar a. Çunke ez baş fehm kena ke azad a, îhtîyacîya mi bi demî esta.” Bokanî dîyar kerd ke do pey cû biewno îhtîmalanê bextwazîye û bale anite ser ke DYA o qebul kerdo.  Bokanî serra 2013î de demo ke kovara kurdan de xebitîyêne yew nuşteyê ey ra serkewte leşkeran eştibi keyeyê ey ser, ey bi rayîrê qaçaxî erdê xo caverdabi. Keştîya ke o tede bî hetê Awustralya ra ameybîye tespîtkerdene û o erşawitbi Kampa Manusî. Behrûz Bokanî serra 2017î de Kamalî Sarvestanî reyde rojê xo yê Girawa Manusî qeyd kerdîbî. No belgefîlm bi telefonê destan amebi anitene.