Gerreyê Wezîrîya Pawitişî ya Tirkîya ser o bi îdîaya 'artêşa tirke rê heqaret kerdo' derheqê Sereka Konseya Merkezî ya Yewîya Tabîbanê Tirkan (TTB) Dr. Şebneme Korur Fîncanci de dewa amebî akerdene. 

Dr. Şebneme Korur Fîncanci bernameyêkê televîzyonî de ardbi ziwan ke ganî cigêrayîş bêro kerdene ke  artêşa tirke vera gerîlayan çekanê kîmyewîyan şuxilnena yan ney. Naye ser o wezîrîye gerreyê Fîncanciye kerdbî.

Roniştişê dewa Mehkemeya Cezaya Aslî ya Anqara de ame kerdene. Fîncanciye, avûkatê ci û temsîlkarê rêxistinanê komelê sivîlî tewrê roniştişî bîyî. Avûkatanê Fîncanciye roniştiş de heqê qiseykerdişî girewt, waşt ke dewa wa bêra redkerdene. Mehkeme waştişê avûkatan qebul nêkerd.

Mehkeme roniştiş taloqê 7ê gulane kerd.