Goreyê raporê Rojnamegeranê Sînornenasan 2023 de 45 rojnamegerî ameyî qetilkerdene, 521 rojnamegerî hema zî tepişte yê, 54 rojnamegerî esîr ê û 84 rojnamegerî zî vînîbîyaye yê. Tirkîya de zî 43 rojnamegerî tepişte yê.
Rojnamegeranê Sînornenasan (RSF) raporê xo yê rojnamegerîye yê 2023yî eşkera kerd.
Goreyê raporê Rojnamegeranê Sînornenasan 2023 de 45 rojnamegerî ameyî qetilkerdene, 521 rojnamegerî hema zî tepişte yê, 54 rojnamegerî esîr ê û 84 rojnamegerî zî vînîbîyaye yê. Tirkîya de zî 43 rojnamegerî tepişte yê.
RSFyî da zanayene ke 45 rojnamegeran ra 13ê ci Gazze de hêrişanê Îsraîlî de kişîyayê. 45 rojnamegeran ra 23yê ci herêmanê şerî de, 17ê ci şerê mabênê Îsraîl-Hamasî de ameyî qetilkerdene. Sekreterê Pêroyî yê RSFyî Christophe Deloireyî vat: ''Gazze de rojnameger û sivîlî bedelanê giranan danê. Ma hema zî nêeşkayî bi zelalî tesbît bikerê ke Gazze de çend rojnamegerî kişîyayê.''
Îran û Tirkîya de tedayê vera rojnamegeran zêdîyayî. Goreyê raporê RSFyî 2023 de Tirkîya de 43 rojnamegerî û Îran de zî 58 rojnamegerî tepişîyayî.
Goreyê raporî 54 rojnamegeranê esîran ra 38ê ci Sûrîye de, 9ê ci Iraq de, 4ê ci Yemen de û yewê ci zî Meksîka de esîr ê.
